Tere ishq ki inteha Chahta hoon..by Allama Iqbal

tere ishq ki inteha chahta hoon
meri saadgi dekh kya chahta hoon

sitam ho k ho vaada-e-behijaabi
koi baat sabr-aazmaa chahta hoon

ye jannat mubarak rahe zaahidon ko
k main aap ka saamnaa chahta hoon

koi dam ka mehmaan hoon ae ahal-e-mehfil
chiragh-e-sehar hoon, bujha chahta hoon

bhari bazm mein raaz ki baat kah di
badaa be-adab hoon, saza chahta hoon

WHAT A NICE POEM!!!